كانت حياه تقف في المحل ومعها هنا ودخلت عليهم نجوان وكانت قد علمت ان الضرائب قد كلفتها مبلغ كبير من المال فجائت لتتشفي فيها قائله.. زعلت والله يا حياه خالص دا راجل ماعندوش رحمه بس هو اكيد انت بتكسبي كتير الا ما كنش جاب الفلوس دي كلها وانت مالك يا بومه طب وهتعملي ايه كده هيحجزو عالمحل وهيروح.. انا لو معايا كنت اديتك امال الناس لبعضها.. دانتي لسه مالحقتيش تطلعي من مصيبه جدتك وبقيتي بطولك يقوم المحل يروح كمان يا حسرتك يا حياه..
تذكرت حياه جدتها وادمعت عينيها فابتسمت نجوان بخبث واقتربت منها خلاص يقطع,,ني هو انا فكرتك اخص عليا سامحيني ماخدتش بالي… بس هتعملي ايه..
فردت حياه بنيه صافيه نفس ذات العبط لا حته قلت ولا حته ذات لا مالحمد لله الفلوس اندفعت..
هنا احست نجوان بحسره في قلبها فهي تكره حياه بشده بجمالها وحب الناس لها وان رزقها من محلها لا يقف اندفعت ازاي..
فردت لقيت شريك ودخل بنص المحل ففرحت نجوان يعني انت ماعدش ليكي الا النص يا عيني عليكي طب خلي بالك بقه ليدحلب وياخد بقيت المحل..
فردت حياه قائله لا الحمد لله كويس اطمني.
مصمصت شفتيها وقالت اسيبك بقه وامشي اشوف شغلي الا الحال واقف وحاجه قرف ومدت يدها واخذت بعض الكوكيز دون استاذان ..تنهدت حياه واحست بالحزن وهنا قاطع حزنها رن تليفون فقالت.. الو..
علي الناحيه الاخري.. احلي الو في الدنيا الواحد يسمعها كده يسيح علي نفسه..
ابتسمت حياه وصمتت..بقولك ايه يا حياه وحياه ابوكي خشني صوتك شويه ماستحملش حد يسمع صوتك الحنين القمر كده فضحكت فرد مسرعا احياه النبي انا امي دعيالي..
فقالت له وبعدين .
فقاطعها نفسسي في البعدين وربنا.. هم,,وت عالبعدين.. متتيجي نتجوز..
برقت حياه …. انت اتجننت جواز ايه دلوقتي.
فرد قائلا بهيام مهو انا مش هام,,وت على نفسي كده وانت قاعده حاطه ايدك في الثلاجه حرام عليك يا حياه هفرفر في ايدك طب نكتب حتى الكتاب نعمل اي حاجه يا حـ,ـبيبتي انا باحبك وعايزك جنبي و قلقان عليكي والنبي عشان خاطري وحياه النبي يا شيخه تقبلي…
هتفت….خلاص ايه هو انت هتشحت يا ابني حرام عليك كل ما تكلمني تقول لي في الموضوع ده .
فقال لها يا حبيبتي بذن اذن مالزن هيجيب ان شاء الله وانا حاسس ان قلبك هيحن على وهتقولي يلا يا سولي .
فضحكت وقالت بدلال لا يا سولي لسه شويه .
هنا انفجر سليم قائلا النبي حارسك وصاينك يا قشطه بالمنجه يعني انت عايزه ايه بالضبط انطلك من التليفون دلوقت قلبي هيقف مش حمل الدلع ده.. طب وحياه النبي يا شيخه تقوليها ثاني…
همست…ايه اقول ايه..
قال… قولي لي يا سولي.
ضحكت قالت انت ما لكش حل والله بس تم تعديله وبحبك باحبك يا سولي .
صرخ سليم يا دين النبي يا مثبت العقل يا رب.. والنبي يا شيخه نكتب الكتاب والا نتجوز اعملي اي حاجه..الا انا خلاص ماعتش قادر وهقلب حسحس وماعتش هنفع ومايرضكيش كده احياه عيالك يا شيخه
فاعترضت وقالت جدتي مالحقناش..
فرد ماهو انا قلبي بيوجعني وانت لوحدك ومش عارف اقف جنبك.. نكتب حتي الكتاب يا حياه.
اغمضت عينيها وتمنت قربه وقالت اصبر شويه…
تنهد وقال هو القمر يأمر وبعدين انا انفذ.هو انا عندي غير الحته بتاعتي اللي واجعه قلبي ومدوخه عقلي.. ارحمو عزيز قوم حب.. بحب يا عالم وحبيبي تقلان..
فضحكت و. غيرت الموضوع عامل ايه في شغلك..
تنهد وقالها الحمد لله طول مانت جنب قلبي
فقالت علي فكره انت ليك نسبه من المكسب كل شهر واهو تمشي والحمد لله…
سرح قليلا ثم قال انت جميله اوي يا حياه انت حد بسيط وحنين اوي حتي في عز زعلك بتقفي جنبي..
ردت وقالت انا هقف جنبك لاخر نفس في حياتي لازقه بغره بس انت م,,اتزهقش…
قال ،،،، لا والله انا نفسي نلزق ونلزق هم,,وت ونلزق وربنا.
فاحمرت وقالت احترم نفسك .
فرد هو انا كده مش محترم دانتي طيبه اوي دا كده يا بنتي ليفل الوحش في الاحترام احنا بس نكتب كتابنا وهحترمك لحد م,,اتسورقي في ايدي..
تلبكت وتصنعت الغض,,ب بقلك ايه اتعدل..
قال طب هننول الرضا امتي طب حتي دبلتين اي حاجه عشان خاطري الانا ماليش حد ومقطوع وغلبان دانا غلبان مش كده والنبي يا قشطه انت يابو غمزات دبلتين هما حتة دبلتين عشان اي حد يبص لايدك ينتص في نظره ويبعد عنك الا انت حلوه ومزه وزي القشطه كده.
فضحكت له وقالت ماشي لو علي اد الدبله ماشي يا سليم .
